Специјалниот претставник на американскиот претседател Доналд Трамп, Стив Виткоф, изјави дека утре ќе се сретне со рускиот претседател, Владимир Путин.
– Мораме да се сретнеме со него в четврток, рекол Виткоф во интервју за „Си-ен-би-си“, објави „Ројтерс“.
Тој додал дека Русите бараат таков состанок, што поред него е значајна изјава од нивна страна.
Кремљ минатата недела соопшти дека се подготвува да ги пречека Виткоф и зетот на Трамп, Џаред Кушнер, во Москва на мировни разговори за Украина, но дека сè уште не се одредени датуми. Според медиумските извештаи од Москва, претставниците на Русија и САД разговарале за билатералните односи и за мировното решение за Украина на маргините на Светскиот економски форум во Давос.
ДПА јави дека на состанокот присуствувале Стив Виткоф, Џаред Кушнер и рускиот преговарач Кирил Дмитриев. Резултатите од разговорот не се објавени, но Виткоф беше снимен на видео објавено од рускиот весник „Известија“.
– Имавме многу позитивен состанок, рече тој, без да даде дополнителни коментари, додавајќи дека Трамп сака да ја заврши војната во Украина што трае речиси четири години.
ИЗДВОЕНИ
Обвинителството не верува во „грозјето“, одбраната тврди: Парите се од продадени земја и трактори
Мицкоски на средба со сопственикот – „Фор-ај-џи (4iG)“ ќе инвестира 100 милиони евра за развој во Македонија
Мизерни плати, работниците во Македонија на дното во регионот – време е за промени!
Сиљановска-Давкова: Не можеме нонстоп да го менуваме Уставот по барања однадвор
