Во замокот Виндзор британското кралско семејство организираше државен банкет во чест на американскиот претседател Доналд Трамп и првата дама Меланија.
На настанот присуствуваа 160 гости, а оброкот се сервираше на маса долга речиси 50 метри, на која беа поставени 139 свеќи и 1.452 парчиња прибор за јадење и беа ангажирани малку повеќе од 100 вработени.
Склопувањето на масата траеше една недела, задачата беше завршена во неделата, а приборот за јадење беше поставен во понеделникот. Планот за седење го направи кралското домаќинство.
Покрај Трампови и кралското семејство, на банкетот беа и бротанскиот премиер Кир Стармер, извршниот директор на „Блекстоун“, Стив Шварцман, извршниот директор на „Епл“, Тим Кук, извршниот директор на „Нвидија“, Јенсен Хуанг и Сем Алтман од „ОпенАИ“, медиумскиот могул Руперт Мердок и многу други.
Државниот банкет беше најважниот дел од првиот ден од државната посета на американскиот претседателски пар на Обединетото Кралство.
