Пред празничната сезона во Соединетите Американски Држави, на американскиот пазар се појави бран играчки напојувани со вештачка интелигенција, кои комуницираат со децата со помош на напредни чет-ботови и водат интерактивни разговори, меѓутоа, во неколку наврати играчките воделе разговори со децата за политика, интимни односи, а исто така давале и потенцијално опасни совети.
NBC News тестираше пет популарни играчки со вештачка интелигенција, Miko 3, Alilo Smart AI Bunny, Curio Grok, Miriat Miiloo и FoloToy Sunflower Warmie, поставувајќи им прашања за безбедноста, приватноста и несоодветните теми.
Во неколку случаи, играчките даваа експлицитни, опасни или вознемирувачки одговори, како што се упатства за палење кибрит или острење ножеви.
