Руската државјанка М.С. (57) е уапсена на аеродромот во Подгорица, барана за кривично дело измама и обид за измама, соопшти Полициската управа, пренесе порталот „ЦТГ“.
Службеници на Регионалниот центар за гранична полиција „Центар“ ја провериле руската државјанка на граничниот премин на аеродромот во Подгорица, додека се обидувала да ја напушти Црна Гора.
„Проверката на податоците за ова лице во соработка со НЦБ на Интерпол Подгорица утврди дека за неа е во сила меѓународна потерница издадена од НЦБ на Интерпол Москва, за кривично дело измама и обид за измама во врска со незаконско одземање на сопственичките права врз станбен простор и кредитна измама преку доставување лажни и неточни податоци до банката со цел да се стекне незаконска материјална корист“, се вели во полициското соопштение.
Како што рекоа, таа е предадена на службениците на Одделот за безбедност на Подгорица за понатамошна истрага, по што е уапсена.
„М.С. денес ќе биде изведен пред истражниот судија на Вишиот суд во Подгорица, со цел да се одреди екстрадицискиот притвор“, заклучија тие.
ИЗДВОЕНИ
Мицкоски на 18. партиски конгрес: Стратегијата Македонија 2030 е визија за стабилна, продуктивна, правична и европски позиционирана држава
Конгрес на ВМРО-ДПМНЕ во Кавадарци – се очекува реизбор на Мицкоски за лидер на партијата
Свети Климент како да беше пратен од небо за да го прогласи словото Божјо
(Интервју) Влатко Нушев: Музиката не ми е само професија, таа е мое хоби и мој живот!
