Легендарната американска скијачка, Линдзи Вон, останува во болница во Италија по ужасниот пад на Зимските олимписки игри. Таа е подложена на четири операции на ногата и наскоро ќе биде транспортирана во нејзината татковина. Во порака до јавноста, таа им се заблагодари на сите за нивните добри желби и за поддршката и испрати оптимистичка порака:
„Ве молам, не бидете тажни. Возењето вредеше за падот. Кога ги затворам очите навечер, немам за што да жалам, а љубовта што ја чувствувам кон скијањето, останува. Сè уште се радувам на моментот кога повторно ќе застанам на врвот на планината. И ќе застанам.“
Постоеја стравувања дека ногата на Вон ќе биде ампутирана, но познатата Американка останува позитивна по еден од најтешките падови на Олимписките игри. Таа уште еднаш рече дека свесно ризикувала и дека воопшто не се кае за тоа.
„Операцијата помина добро денес! За среќа, конечно ќе можам да се вратам во САД! Штом се вратам, ќе ви дадам повеќе информации за мојата повреда. Но, дотогаш, додека седам овде в кревет и размислувам, имам неколку мисли што би сакала да ги споделам со вас. Прочитав многу пораки и коментари каде што луѓето велат дека она што ми се случило ги растажило. Ве молам, не бидете тажни. Ги прифаќам емпатијата, љубовта и поддршката со отворено срце, но ве молам, без тага или сочувство. Се надевам дека наместо тага, ова ќе ви даде сила да продолжите да се борите, зашто тоа е она што го правам и што секогаш ќе продолжам да го правам.“
И покрај тоа што Линдзи е оптимист, прогнозата на лекарите не е најдобра. Прашање е дали некогаш повторно ќе се качи на скии, но сè зависи од нејзиното индивидуално закрепнување.
