Во ликовниот салон на ЦК „Марко Цепенков“, вечерва (7 ноември) од 19.00 ч., ќе се одржи музичко ликовна вечер.
Вечерта е под мотото „Уметност во звук и форма“. На пијано ќе настапи Огненка Герасимовска-Димитровска, која ќе се претстави со музика од познати композитори.
Ќе има и изложба на скулптури од Александар Ефтимовски.
Ефтимовски е македонски автор со големо интернационално искуство. Во неговото досегашно ликовно творештво има изработено скулптури во голем формат, поставени во повеќе од 30 европски и светски држави. За неговата апстрактна скулптура се карактеристични острите агли, овални форми со чисти површини. Материјалите што ги користи за неговото ликовно изразување, тој ги селектира соодветно со идејната форма.
