Во рамките на проектот „Да ги овековечиме вредностите“ (цртање мурали на истакнати охридски дејци), а по повод роденденот на големиот уметник Јордан Манасијески, кој годинава го одбележува јубилејот 55 години од творештвото, Општина Охрид на северната страна на библиотека „Григор Прличев“ му подари мурал.
– Муралот ќе биде завршен во текот на идната недела, а е дело на академскиот сликар Горан Ристовски – информираат од Општина Охрид.
Неодамна беше промовирана и монографијата посветена на целокупната досегашна уметничка кариера на Манасијески, во која се документирани настаните од домашната и меѓународната уметничка сцена.
Уметноста на Манасијески е претставена во Токио, Њујорк, Венеција, Фиренца, Париз, Охрид, Верона, Палермо… а добитник е на награди од повеќе уметнички центри, меѓу кои интернационалната „Микеланџело“, наградата од жири комисијата на биеналето на нациите во Венеција, од Јапонската асоцијација на современа уметност.
ИЗДВОЕНИ
Чествување на великанот: Гоце Делчев нека ни биде пример како треба да ја градиме Македонија
Протестите продолжуваат: Блокада на Плетвар со возила и гуми, прекинат сообраќај на патот Прилеп – Градско
Мицкоски: Побарав од Тошковски жестоко да се одговори на дивеењето од вчера
Државниот архив објави оригинална шифрирана порака на Гоце Делчев
