Евентуалниот дијалог меѓу рускиот претседател Владимир Путин и францускиот претседател Емануел Макрон треба да биде обид за меѓусебно разбирање на позициите, а не за меѓусебно држење лекции, изјави портпаролот на Кремљ, Дмитриј Песков.
Песков рече дека Путин е секогаш подготвен детално и доследно да ги објасни своите позиции.
Макрон претходно изјави дека би било корисно за Европа да го продолжи дијалогот со рускиот претседател во наредните недели.
„Секако, ако зборуваме за дијалог, тоа не треба да биде дијалог во смисла на меѓусебно држење предавања. Тоа треба да биде дијалог за меѓусебно разбирање на позициите“, рече Песков, пренесува Срна.
