Можеби е премногу! Рускиот „МиГ-41“ е надвор од досегот на физиката

Москва сè повеќе најавува развој на нов ловец-пресретнувач од шеста генерација, МиГ-41, кој рускиот печат го претставува како „супер-стелт“ авион способен да носи нуклеарно оружје и да лета со брзина од 4,3 маха.

Сепак, американското списание National Security Journal ги доведува во прашање овие тврдења, наведувајќи дека тие се „надвор од самата физика“.

Според весникот, МиГ-41 е дизајниран како директен конкурент на американските ловци на иднината – F-47 NGAD и F/A-XX, кои САД планираат да ги воведат во употреба во 2030-тите. Проектот има за цел да ѝ обезбеди на Русија технолошка предност во борбата за превласт во воздушниот простор.

Сепак, списанието нагласува дека иако Русите се познати по развојот на екстремно брзи авиони, предвидената брзина од 4,3 маха „може да биде премногу“ дури и за најсовремените материјали и мотори.

Планирано е авионот да биде опремен со нови премази што апсорбираат радарски бранови, со цел да се зголеми стелт-невидливоста. Авторот на текстот забележува дека станува збор за технологија која „сè уште е во развој“ и дека нема потврда дека го достигнала оперативното ниво.

Американскиот F-47 NGAD, кој треба да ја претставува следната генерација ловци, можеби нема да лета пред 2028 година. Проектот F/A-XX на морнарицата неодамна доби зелено светло, додека Кинезите направија чекор напред со своите прототипови од шестата генерација – J-36 и J-50 – кои, сепак, сè уште бараат „сериозни подобрувања“.

Експертите истакнуваат дека ова е глобална трка за технолошка супериорност во воздухот, во која секоја земја се обидува да покаже дека го има „оружјето на иднината“.