Русија чека официјална потврда од Украина дека ќе биде извршен пренос на телата на загинатите војници, изјави претставникот на рускиот преговарачки тим, генерал-потполковник Александар Зорин.
Тој рече дека Украина не одговорила, поради што предавањето на телата и размената на затвореници не се случиле како што било планирано.
„За жал, ниту вчера, ниту завчера украинската страна не го потврди приемот на овие тела. Постојат сигнали дека, наводно, акцијата ќе биде одложена до следната недела. Потврдувам, чекаме официјално известување преку канал познат на украинската страна дека телата ќе бидат вратени“, изјави Зорин за новинарите.
Тој изјави дека Русија е подготвена да врати повеќе од 6.000 тела на војници во Украина.
Странски новинари пристигнаа во Брјанската област и ги прегледаа ладилниците со телата на украинските војници кои се подготвени да бидат предадени на Киев, јави дописникот на РИА Новости.
