Mорбиден случај во Шпанија: Патници се обиделе да внесат мртва баба во авионот, му рекле на екипажот дека не ѝ е добро

Постара Британка била внесена во количка на летот на „Изиџет“ од Шпанија до Гетвик во инвалидска количка, иако веќе била мртва, тврдат ужаснати туристи.

82-годишната жена била внесена во авионот од пет нејзини роднини, кои им кажале на персоналот на авиокомпанијата дека е болна и дека заспала, според сведоци, објавува „Дејли меил“.

Сепак, непосредно пред полетувањето, екипажот на авионот бил информиран дека жената починала. Авионот бил вратен назад пред да ја напушти пистата, а летот бил одложен 12 часа.

Патниците рекле дека телото било внесено во инвалидска количка, а потоа жената била крената на нејзиното седиште со помош на пет членови на семејството.

Тие тврделе дека на групата ѝ било дозволено да се качи во авионот само затоа што му рекле на службеникот за качување, кој бил сомничав со оглед на очигледното лошо здравје на жената, дека е „само уморна“.

Еден патник дури тврдел дека слушнал член на групата како му вели на службеникот: „Во ред е, ние сме доктори“.

Авионот потоа почнал да се тркала кон крајот на пистата, но драматично застанал само неколку моменти пред полетувањето, кога сомничавиот екипаж на авионот сфатил дека жената е мртва.

ИзиЏет инсистирал дека загрижените патници се погрешиле, дека патничката имала сертификат за способност за летање и била жива кога се качила во авионот.

„Што мислеа вработените во „ИзиЏет“ на земја? Пет пати го прашаа семејството дали оваа жена е добро… И очигледно не беше!“, рече Петра Бодингрон, една од патничките на летот.

„Беше јасно дека изгледаше како веќе да е мртва, во несвест во инвалидска количка, па зошто би ѝ било дозволено да се качи во авионот, а потоа да ги наруши плановите на сите… Да бев пијан, немаше да ме пуштат внатре, но очигледно е мртва, во ред?! Што се случува?“.

Друга патничка, која не сакаше да биде именувана, рече:

„Сите во авионот мислеа дека изгледа мртва кога пристигна, никогаш не требаше да биде прогласена за способна за летање“.

А друга, Трејси-Ан Кичинг, го изрази своето незадоволство на социјалните мрежи.

„Ја видов како ја ставаат во авионот; некој ја држеше за глава додека минуваа покрај мене! Вистинскиот доктор во авионот [потврди] дека таа веќе била мртва кога ја ставиле на седиштето. Сепак, морам да изразам сочувство до кутрата личност што почина и нејзиното семејство, како и до екипажот во кабината и персоналот на земја. Каква ужасна ситуација за нив“, рече таа, додавајќи:

„Исто така, морам да го пофалам првиот офицер-копилот кој излезе и трпеливо одговараше на нашите прашања. Тој беше професионален и љубезен, ви благодарам.“

Таа понатаму објасни дека копилотот им рекол на патниците дека ќе напише извештај за настаните од летот, користејќи ги нивните сведоштва.

Не е познато што се случило со телото на жената откако било извадено или со членовите на семејството кои биле со неа, иако не се верува дека биле уапсени откако жената била пронајдена мртва.

Летот требало да полета од шпанската туристичка дестинација во 11:15 часот и да слета околу два часа подоцна, во 13:10 часот.

Сепак, по бизарниот инцидент, патниците претрпеле доцнења од речиси 12 часа, при што летот конечно полетал во 22:47 часот по локално време, конечно слетувајќи на Гетвик околу полноќ.

Обично постои сложен протокол што треба да се следи при транспорт на човечки останки преку границите. Телата се транспортираат со товарни авиони, а не со патнички авиони, и треба да се стават во посебен ковчег во багажникот, а не во кабината.

Портпаролот на Цивилната гарда во Малага потврди дека полицајците биле повикани во авионот за постарата Британка, додавајќи: „Таа беше прогласена за мртва во авионот што требаше да полета од Малага за Лондон веднаш по 11 часот вчера наутро“.

British family are accused of wheeling DEAD grandmother on to easyJet flight from Spain after ‘telling cabin crew she was tired’ https://t.co/3xlJjMdfSA

— Daily Mail (@DailyMail) December 19, 2025