„Морам да го слушам моето тело“

Трикратниот финалист на грен-слем турнирите и човек што беше на второто место на АТП-листата, Норвежанецот Каспер Руд, одлучи да не учествува на Вимблдон. Причината за ова е повредата на коленото со која се здоби на вториот грен-слем турнир, Ролан Гарос. Се обиде да заздрави, да направи сè што може, но не успеа.

Тој потврди дека нема да игра на лондонската трева и можеше да се предвиди сето ова по неговата одлука да го пропушти турнирот во Мајорка, кој требаше да биде негова последна подготовка за Вимблдон. Сега дефинитивно е јасно дека нема да го видиме во Лондон.

– Им се вратив на тренинзите, коленото ми е малку подобро, но не сум 100 проценти подготвен да се натпреварувам. Морав да се повлечам од турнирот во Мајорка. Ќе продолжам да тренирам, но многу ми е жал. Морам да го слушам моето тело. Ќе продолжам да тренирам и се надевам дека наскоро ќе се вратам на теренот – рече Руд.

Руд играше во финалето на Ролан Гарос во 2022 и во 2023 година, кога загуби од Шпанецот Рафаел Надал и од Србинот Новак Ѓоковиќ, додека во борбата за трофејот на Отвореното првенство на САД во 2022 година беше поразен од Карлос Алкараз, кој тогаш го освои својот прв грен-слем трофеј.