Црвената зелка помага во намалувањето на холестеролот, го подобрува варењето и го намалува ризикот од кардиоваскуларни заболувања, според најновите истражувања.
Црвената зелка е вкусна суперхрана, а нутриционистот од Клиниката за слабеење и здравје, професорот Франклин Џозеф, откри за „Експрес“ дека овој зеленчук може да помогне во намалувањето на холестеролот.
Плус, прави чуда за здравјето на цревата. Полн е со растителни влакна, антиоксиданси и антиинфламаторни соединенија, а се поврзува и со подобрено варење, па дури и со намалување на крвниот притисок.
Неговата интензивна боја не е само за декорација. Таа укажува на нејзината висока содржина на полифеноли и антоцијанини, кои помагаат во борбата против воспалението и оксидативниот стрес.
– Црвената зелка е една од најпотценетите намирници во продавниците за храна. Богата е со растителни влакна, малку калории и полна со соединенија кои го поддржуваат здравјето на цревата, го намалуваат холестеролот со ниска густина на липопротеини (LDL), познат и како „лош холестерол“, и промовираат здрав имунолошки систем. Тоа е неверојатна храна, особено кога ќе се земе предвид нејзината цена, објасни професор Џозеф.
Дали го намалува ризикот од одредени видови рак?
Пребиотските влакна во црвената зелка ги хранат добрите бактерии во цревата и помагаат во формирање на избалансиран микробиом, кој е поврзан со сè, од варењето до менталното здравје.
– Здравјето на цревата има огромно влијание врз сè, од имунитетот до регулирањето на расположението. Додавањето неколку лажици сурова или лесно зготвена црвена зелка во вашите оброци е лесен начин да се поддржи ова, истакна експертот.
Покрај тоа што ги храни цревата, црвената зелка содржи соединенија слични на сулфорафан, кој се наоѓа во брокулата, за кои се верува дека играат улога во намалувањето на ризикот од одредени видови рак.
Тврдењата на професорот Џозеф за способноста на црвената зелка да го намали холестеролот се поткрепени со студија објавена во списанието Clinical Phytoscience во 2019 година. Таа студија покажа дека кај зајаци со висок холестерол, консумирањето на зеленчукот помогнало во намалувањето на нивото на холестерол.
Го намалува ризикот од кардиоваскуларни заболувања
„Кај хиперхолестеролемични зајаци, листовите од црвена зелка покажаа значително намалување на нивото на холестерол, липопротеини со ниска густина и триацилглицерол во споредба со групите третирани со екстракт“, напишаа авторите на студијата.
Друга студија, објавена во списанието Федерација на американски здруженија за експериментална биологија, откри дека екстремно младите растенија од црвена зелка можат да го намалат ризикот од кардиоваскуларни заболувања.
