Реал (M) по втор пат во период од неколку месеци беше поразен во финале од Барселона, а на самиот крај од натпреварот во Купот на Шпанија беше виден вистински мал скандал.
Кога Антонио Рудигер сфати дека „кралевите“ ќе загубат, почна да дивее на клупата и фрлаше разни предмети на теренот и кон судијата Рикардо де Бургос Бенгоетксеа.
„Дон Балон“ објави малку неверојатна приказна за судир меѓу Модриќ и Рудигер во соблекувалната, а искусните играчи наводно морале да ги разделат соиграчите.
„По натпреварот, двајцата играчи се судрија во соблекувалната, што резултираше со тепачка која мораа да ја прекинат другите играчи и членовите на стручниот штаб на Карло Анчелоти, кои беа во неверување.
Хрватот го критикуваше Рудигер за неговото однесување и му рече дека е скандалозно што направил такво нешто, а го оцрни и грбот на Реал (М) кој не загуби само поради судијата.
Иако Рудигер на почетокот беше бесен и го критикуваше Модриќ за неколку работи, на крајот се вразуми и им се извини на сите соиграчи и на стручниот штаб на клубот.
Германецот се извини на социјалните мрежи за своите постапки особено оние насочени кон судијата кој беше главна цел на играчот“, пренесува „Дон Балон“.
Модриќ е познат како многу мирен фудбалер и ретко е темпераментен, а малку неверојатно звучи што влегол во конфликт со некој од соиграчите.
Реал (М) отсекогаш имал добро уредена хиерархија, а секој конфликт меѓу играчите е реткост, па затоа веста објавена од „Дон Балон“ дефинитивно е огромно изненадување.
Инаку, германскиот дефанзивец се соочува со суспензија од 4 до 12 натпревари, па оваа сезона е многу веројатно завршена за него.
