Летниот преоден рок за Ливерпул беше и повеќе од напорен, но исто така и феноменален затоа што беа потрошени многу пари за неколку нови засилувања.
И покрај тоа што имаа доволно силен состав за да ја одбранат титулата во Премиер лигата, „црвените“ двапати го срушија британскиот трансфер рекорд.
Прво го направија тоа со доведувањето на Флоријан Вирц од Баер Леверкузен за 130 милиони евра, а потоа го ангажираа Александар Исак од Њукасл за 144 мил. евра.
Дополнително, на „Енфилд“ пристигнаа играчи како Фримпонг, Милош Керкез и Хуго Екитике.
Што се однесува до заминувањата, „црвените“ се разделија со некои големи имиња, а навивачите беа воодушевени кога тие си заминаа.
Трент Александар-Арнолд, Луис Дијаз и Дарвин Нуњез се тројца од најпознатите играчи кои го напуштија тимот од „Енфилд“.
На Твитер се појави интересна објава од навивачите на Ливерпул, каде што е прикажана фотографија од Дијаз, Нуњез, Вирц и Исак. Беше придружена со јасен опис: „Наведете го најголемото засилување во историјата на фудбалот“.
Секако, се алудираше на фактот дека Вирц и Исак пристигнаа да ги заменат Дијаз и Нуњез кои го напуштија клубот.
На најдобриот фудбалер во дресот на Ливерпул, Мохамед Салах, не му се допадна тоа и реши јавно да ја критикува објавата.
„Што велите да се прослават големите потписи без да се навредува шампионот на Премиер лигата?“, напиша Салах.
Дијаз го напушти „Енфилд“ и ја продолжи кариерата во Баерн (М) во трансфер вреден 70 мил. евра. Што се однесува до Нуњез, тој одлучи да оди во Саудиска Арабија, потпишувајќи за Ал Хилал во трансфер вреден 53 милиони евра.
