Многумина го потценуваат Ѓоковиќ, но тој игра како да има 18, а не 38 години

Најдобриот тенисер на сите времиња Србинот Новак Ѓоковиќ се пласираше во полуфиналето на Ролан Гарос по фантастичната победа над Александар Зверев. Новак го загуби првиот сет, потоа играше како да има 18, а не 38 години и целосно го надигра Германецот со  4:6, 6:3, 6:2, 6:4.

– Што сакате да ви кажам, тој освои 24 грен-слем турнири. Да, не очекував да може да игра на ова ниво. Не сум го видел да игра вака оваа година, тоа беше многу високо ниво на игра. Во еден момент ми беше тешко, во првиот сет кога сонцето сè уште беше таму. Имав неколку винери и добар сервис. Подоцна кога се залади не можев многу да направам. Во еден момент не знаев како да играм од основна линија против него, тој имаше решение за сè што пробав. Заслугата му припаѓа нему, играше подобро од мене – рече Германецот, додавајќи дека мисли дека Ѓоковиќ е потценет:

– Тој е потценет во моментов, смешно е што го кажувам ова, но многу луѓе веќе го отпишуваат. Оваа година го доби Алкараз во Мелбурн, мене во Париз. Заборавете на возраста, игра како да има 18, а не 38 години, тоа се многу добри резултати за секого. Мора да го прашате како се чувствува физички и дали ќе биде 100-процентно подготвен во следниот натпревар, бидејќи ова беше физички напорен меч за двајцата. Тој сепак ги добива најдобрите. Секој треба да го знае тоа.

Германецот имаше проблеми со сервисот за време на натпреварот.

– Мислам дека тоа се должеше и на условите, брзината на мојот сервис не беше толку голема, не ми беше лесно да најдам начини да доминирам во размените, тој ги неутрализираше моите сервиси. Моите удари, секогаш кога бев агресивен, тој наоѓаше решение за тоа. Ми беше тешко да најдам решение во тие постудени услови – рече Саша.

Од друга страна, Новак сега го чека дуел против Јаник Синер во полуфиналето и нема сомнение дека Италијанецот ќе го сфати максимално сериозно по овој настап. Бидејќи Новак сруши рекорд стар 50 години

Она што Новак го направи, Надал, Федерер и многу други не го направија. Новак Ѓоковиќ е првиот играч кој забележал 10 или повеќе победи против топ 5 играчи на повеќе грен-слем турнири откако беа воведени АТП ранг-листите во 1973 година (Австралија Опен – 18, Ролан Гарос – 10).