Полицијата верува дека четиричлено семејство, вклучувајќи две мали деца, починало откако било отруено од пестицид што се користи против бубачки во хотел во Истанбул. Првичните индикации укажуваат дека токсичната супстанца можеби стигнала до нивната соба преку отворот за вентилација во бањата, што довело до нивната смрт за време на нивниот одмор.
Мајката Чигдем Бочек, таткото Сервет и нивните деца Масал и Кадир Мухамет биле прогласени за мртви откако сериозно им се слошило во нивната хотелска соба. Претходно се сметало дека претрпеле труење со храна по еден ден јадење улична храна на тезги и ресторани.
Полицијата и обвинителите уапсија 11 лица, вклучувајќи го и персоналот во хотелот „Харбор Свитс Олд Сити“, под сомнение дека алуминиум фосфид, пестицид што се користел во третманот на бубачки во собата на приземје, можеби стигнал до нивната оба преку вентилацијата и го предизвикал труењето.
“Fatih’teki 3 kişinin öldüğü zehirlenme faciasında yeni gelişme! Fırıncı da gözaltına alındı! – Son Dakika Türkiye Haberleri | Cumhuriyet”
Polisimizin bu olayı çözeceğine inanıyorum:
@istanbul_EGM @EmniyetGM https://t.co/BP2y8kNUbI— Emre Kongar (@emrkongar) November 16, 2025
Хотелот оттогаш е евакуиран и затворен. Алуминиум фосфидот е моќен отров што може да биде фатален ако се вдиши во големи количини. Истражителите откриле дека барем еден вработен во компанијата за дезинфекција немал потребна сертификација.
Земени се примероци од постелнина, вода, ќебиња и предмети од собите, а полицијата ги отстранила работите на уште двајца гости кои исто така биле хоспитализирани поради сомнение за труење.
Семејството Бочек, од Хамбург, пристигнало во својот хотел во населбата Фатих на 9 ноември. Два дена подоцна, тие отишле во болница жалејќи се на гадење, повраќање и вртоглавица. Чигдем и децата починале неколку часа подоцна, додека Сервет починал по шестдневна интензивна нега во градска болница. Чигдем и децата биле погребани во саботата во покраината Афјонкарахисар.
Канцеларијата на главниот обвинител првично привела седум лица, вклучувајќи и продавачи на улична храна, а примероците биле анализирани во Институтот за судска медицина.
Дедото на починатите деца, Мустафа Челик, рекол дека семејството планирало да го посети по нивниот одмор и најавил дека ќе бидат преземени правни мерки против сите одговорни.
Турскиот претседател Реџеп Таип Ердоган изјави дека безбедносните служби и обвинителите ќе спроведат сите потребни истраги за да се утврди причината за смртта на семејството.
