Кремљ денеска соопшти дека ги цени дипломатските напори на американскиот пратеник Стив Виткоф за ставање крај на војната во Украина, но одби да го коментира неговото тврдење дека мировниот договор ќе биде склучен набрзо.
Се очекува Виткоф и Џаред Кушнер, зетот на претседателот на САД Доналд Трамп, подоцна денеска во Москва да се сретнат со рускиот претседател Владимир Путин за разговори за Украина. Кремљ соопшти дека по состанокот ќе биде одржан брифинг.
Портпаролот на Кремљ, Дмитриј Песков, изјави дека двајцата претставници на САД ќе пристигнат во Москва по 16:00 – 17:00 часот по Гринич и ќе се сретнат со Путин.
– Дискусијата за прашањето за решавање на конфликтот во Украина и другите поврзани теми ќе продолжи – изјави Песков пред новинарите.
Претходно денеска Виткоф рече дека е постигнат значителен напредок и дека во преговорите преостанало само уште едно последно нерешено прашање.
На прашањето дали Кремљ го дели овој оптимизам, Песков одговори: „Не би сакале да ја коментираме сегашната фаза од преговорите, особено во пресрет на пристигнувањето на Виткоф во Москва и неговата средба со Путин“.
– Јасно е дека рускиот претседател високо ги цени мировните напори лично на претседателот Трамп и на неговиот тим, вклучително и на специјалниот пратеник Виткоф. Ние ги поздравуваме тие напори и нивната ефикасност – додаде тој.
ИЗДВОЕНИ
Би-Би-Си: „Шегите“ на Трамп повеќе не поминуваат во Европа
Обвинителството не верува во „грозјето“, одбраната тврди: Парите се од продадени земја и трактори
Мицкоски на средба со сопственикот – „Фор-ај-џи (4iG)“ ќе инвестира 100 милиони евра за развој во Македонија
Мизерни плати, работниците во Македонија на дното во регионот – време е за промени!
