Министерот за внатрешни работи на Србија, Ивица Дачиќ е во сериозна состојба – приклучен е на апарати за одржување во живот

Министерот за внатрешни работи Ивица Дачиќ е во болница и е во тешка здравствена состојба, пренесуваат српските медиуми.

Дачиќ е итно примен во болница и е приклучен на апарати за одржување во живот.

Заменик-директорот за пулмологија во Клиничкиот центар на Србија, Спасоје Попевиќ, изјави дека министерот за внатрешни работи Ивица Дачиќ има тешка пневмонија и дека ситуацијата е тешка.

Како што изјави, тој моментално е на респиратор и ги прима сите потребни лекови и терапија.

„Со тој респиратор, кој е метод на лекување, купуваме време потребно тие лекови да дејствуваат и се бориме за неговиот живот. Тешка пневмонија и борба за неговиот живот“, рече д-р Попевиќ.

Блиц пишува дека Дачиќ страда од дијабетес и други придружни болести.

Неговата состојба ненадејно и брзо се влоши во последните неколку дена, а денес беше примен во болница на лекување.

Како што објави Информер, на Дачиќ му е дијагностицирана билатерална пневмонија и неговата состојба брзо се влошува во последните неколку часа.

Дачиќ денес не присуствуваше на комеморацијата на поранешниот министер за надворешни работи и амбасадор на Сојузна Република Југославија во ОН, Владислав Јовановиќ.

„Жал ми е што од технички причини Ивица Дачиќ, претседател на Социјалистичката партија на Србија, не е присутен тука“, изјави српскиот претседател Александар Вучиќ.