Српскиот кошаркар Никола Милутинов е главна тема во европската кошарка во последните денови – се шпекулираше дека имал договор со Олимпија Милано, потоа дека Панатинаикос се обидува да го украде со неверојатна понуда, а Олимпијакос реши подлабоко да брцне во џебот и да ги реши сите проблеми.
Грчкиот клуб објави дека Никола Милутинов ќе го носи дресот на тимот од Пиреја и во следните три години. Финансиските детали од соработката засега не се познати, но јасно е дека ќе биде меѓу најплатените играчи на тимот од Пиреја.
