Со одлуката да го откаже учеството на еден од неговите омилени Мастерс турнири во кариерата, Интернационалниот турнир во Рим, најдобриот тенисер во историјата, Србинот Новак Ѓоковиќ, го шокираше и загрижи тенискиот свет до таа мера што многумина се сомневаа дека воопшто ќе се појави на Ролан Гарос.
Бидејќи никогаш јавно не ја објаснил суштината на таа одлука и дали е донесена без оглед на фактот дека со настапот во Женева всушност ќе си ги наметне предизвиците на турнирските натпреварувања во три последователни недели, што ќе кулминира со еден од најтешките грен-слем турнири, Ѓоковиќ пред стартот на турнирот во Париз одговори на оваа тема.
„Сакав да сменам нешто оваа година, иако навистина уживав во Рим и имав многу успех и поддршка. Решив да играм во Мадрид, бидејќи не сум играл таму веќе некое време, а сакав да играм. Не чувствував дека сакам и можам да играм на Мастерсот во Рим, иако претходно бев елиминиран во Мадрид. Едноставно во тој момент не чувствував дека сакам да се напрегам следниот ден, да тренирам и да се подготвам за Рим“, објаснува Новак и додаде:
„Ми требаше малку време да си ја разбистрам главата и да средам некои работи за да можам да почнам со подготовките и да се обидам да победам во неколку натпревари на малку послаб турнир, како во Женева – бидејќи таму имав поголеми шанси отколку во Рим. Тоа беше процесот што ме натера да го направам распоредот низ кој поминавме, и ми е мило поради тоа. Се покажа дека беше добра одлука да одам во Женева, бидејќи таму имам семејство – тетка, братучетка и сестра која се породи, па имавме уште повеќе причини за радост. Потоа дојдоа моите пријатели од Србија и целото искуство од тој турнир беше позитивно за мене – четири натпревари, добри подготовки, па влегувам на Ролан Гарос со многу поголема самодоверба дека можам да стигнам далеку. Но, ќе видиме, сè е во Божји раце“
