Легендарниот германски ски-скокач, Свен Ханавалд (49), отворено проговори за своите проблеми со депресијата, со кои се соочил во минатото. Трократниот олимписки медалист од Солт Лејк Сити, победник на турнејата „Четири скокалници“ и единствената личност што ги освоила сите четири настани на турнејата во иста сезона, во интервју за „Билд“ откри дека раниот третман за депресија го спасил од самоубиство.

Ханавалд ја завршил сезоната рано во 2004 година и заминал на одмор.

  • Таму доживеав ментален слом, откри Германецот.

По сломот што го доживеал, завршил на клинички третман.

  • Ми дадоа психоактивни лекови првите две недели, само за да ја пребродам следната ноќ.

Тој призна дека веројатно ќе се самоубиел доколку не го започнел третманот на време.

  • Да не одев директно во клиниката тогаш, подоцна ќе се соочев со истата судбина како Роберт Енке, рече Свен.

Инаку, поранешниот репрезентативен голман на Германија, Роберт Енке, си го одзеде животот во 2009 година по долгата депресија заради смртта на двегодишната ќерка.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ