Метеоролошки хаос и се заканува на Европа: Пристигнува бурата Бенџамин

Бурата Бенџамин, која ќе го погоди европскиот регион и е именувана од француската метеоролошка служба Метео Франс, ќе донесе влажно и ветровито време и низ Западна Европа. Најголеми последици се очекуваат во Франција, Белгија и Холандија, додека Обединетото Кралство ќе се почувствуваат поблаги, но сепак значајни влијанија.

Во Обединетото Кралство, Метеоролошката служба издаде жолти предупредувања за дожд и ветер поради бурата Бенџамин.

Според Severe Weather Europe, бурата Бенџамин е поврзана со длабока област со низок притисок што се формира над Бискајскиот Залив, поттикната од горен бран што се пробива во Западна Европа.

Најверојатното сценарио предвидува низок притисок што се движи низ Ла Манш, носејќи 60 до 80 мм дожд во рок од 12 до 24 часа, зголемувајќи го ризикот од поплави.

Помалку веројатно сценарио покажува дека бурата се движи низ јужна Англија кон Северното Море. Можни се и грмотевици, особено по должината на главниот фронт што го преминува Ламанш.

Најлошите ефекти од бурата Бенџамин ќе се почувствуваат во северна и западна Франција, каде што се издадени портокалови предупредувања за седум области по должината на брегот и Ла Манш. Силни ветрови со налети од 80 до 105 км/ч, а во крајбрежните области до 130 км/ч, би можеле да предизвикаат значителни нарушувања во сообраќајот и материјална штета.

Силни ветрови со налети до 129 км/ч се очекуваат и во Белгија и Холандија, особено во крајбрежните области, што може да доведе до слични нарушувања, објавува Би-Би-Си.

Бурата Бенџамин е дел од поширок временски модел, вклучувајќи длабок горен бран и сложен циклон над Ирска, Велика Британија и Северното Море, кој ќе се задржи до петок.

Поладна воздушна маса ќе ја зафати Западна Европа во четврток, додека температури над просечните ќе го зафатат поголемиот дел од континентот.

Какво време не очекува во Македонија?

Времето денеска ќе се задржи променливо облачно со сончеви периоди. Кон крајот на денот и во текот на ноќта во западните делови ќе има повремен локален дожд. Ќе дува слаб до умерен јужен ветер.

Во наредните денови пак, следува период на променливо облачно време со повремени локални врнежи од дожд.

Во петок и понеделник врнежите ќе бидат поројни со услови за појава на грмежи, а во понеделник наместа и пообилни. Ќе дува засилен, повремено силен ветер од јужен правец, кој ќе надминува брзина од 70 km/h, велат од Управата за хидрометеоролошки работи