Еден од најдобрите фудбалери на сите времиња, Аргентинецот Лионел Меси, доби можност да ги избере 10-те најталентирани играчи во светот во моментов.
Ѕвездата на Интер Мајами и капитен на аргентинската репрезентација привлече внимание со својот избор, бидејќи на листата не ја вклучи ѕвездата на Барселона, Ламин Јамал, ниту неговиот сонародник од Реал (М), Франко Мастантуон.
Меси го смести уште еден Аргентинец, Нико Паз, кој игра во Италија за Комо и кој дојде низ академијата на Реал (М), на врвот на листата на најталентирани играчи.
Се чини дека поранешната ѕвезда на Барселона и ПСЖ ги изоставила оние што веќе се успешни, а покрај Паз, ги вклучил и Кендри Паез од Стразбур, Рио Нгумох од Ливерпул, Мохамед Кадер Меите од Рен, Мика Годтс од Ајакс, Андреј Сантос од Челзи, Родриго Мора од Порто.
Интересно е што во неговиот избор има и едно момче од оваа област, а тоа е албанскиот фудбалер Брајан Груда, кој игра за англискиот Брајтон.
Во изборот се вклучени и две фудбалерки – Клара Серахорди од Барселона и Лили Јоханес од Лион, што ја одразува желбата на Меси да промовира млади таленти и во машкиот и во женскиот фудбал.
Повеќето од имињата на неговата листа на најталентирани се непознати за пошироката фудбалска заедница, но нема сомнение дека многу од нив порано или подоцна ќе израснат во врвни играчи.
