Германскиот канцелар Фридрих Мерц ќе му се придружи на украинскиот претседател Володимир Зеленски на утрешната средба со американскиот претседател Доналд Трамп во Вашингтон, потврди неговиот портпарол.
„Скај њуз“ објави дека и италијанската премиерка Џорџа Мелони исто така ќе биде на средбата.
Претседателката на Европската комисија Урсула фон дер Лајен објави дека утре ќе патува во Вашингтон заедно со украинскиот претседател Володимир Зеленски.
This afternoon, I will welcome @ZelenskyyUa in Brussels.
Together, we will participate in the Coalition of Willing VTC.
At the request of President Zelenskyy, I will join the meeting with President Trump and other European leaders in the White House tomorrow.
— Ursula von der Leyen (@vonderleyen) August 17, 2025
Таа изјави дека самиот Зеленски ја замолил да му се придружи на средбата со американскиот претседател Доналд Трамп. Додаде дека во Вашингтон ќе се приклучат уште неколку европски лидери, но не прецизираше кои се тие. Политико претходно објави дека еден од нив ќе биде финскиот претседател Александар Стуб, а можеби и генералниот секретар на НАТО Марк Руте.
Зеленски ќе се сретне со фон дер Лајен во Брисел во текот на денот, а потоа заедно ќе се упатат кон САД.
