Мерц: Европскиот нуклеарен штит не е приоритет, туку помагање на одбраната на САД

Германскиот канцелар Фридрих Мерц изјави дека разгледувањето на „европско нуклеарно одвраќање“ е толку далеку што приоритет треба да биде одржувањето на посветеноста на САД кон одбраната на Европа, пренесува „Бета“.

Конзервативниот лидер рече дека „треба да се направи сè за да се обезбеди дека нуклеарното учество на САД ќе се одржи со години, па дури и децении“.

За време на прес-конференцијата со премиерот на Луксембург, Лико Фриден, во Берлин, Мерц рече дека нема конкретна иницијатива за европски штит и дека тој само ја прифатил понудата на Франција да разговара за тоа.

Канцеларот рече дека воспоставувањето нуклеарно одвраќање независно од САД е „задача со многу, многу долгорочна перспектива бидејќи има многу прашања што треба да се решат, кои секако одат подалеку од периодот во кој одбранбените капацитети на Европа прво мора да се подобрат со постојните структури“.

Минатата зима, Мерц побара разговори со нуклеарните сили Франција и Велика Британија за тоа дали Германија може да има корист од нивното нуклеарно оружје, барем од причини за нуклеарна безбедност.

Со оглед на тоа што ставот на американскиот претседател Доналд Трамп поттикнува стравувања од повлекување на САД од обезбедувањето на Европа, Берлин сака да ги зајакне одбранбените капацитети на континентот, а Мерц рече дека Париз, Берлин и Лондон ќе разговараат за нуклеарно одвраќање, кое „нема да биде замена за безбедносните гаранции што САД ѝ ги нудат на Европа“.