Израел мора веднаш да ја запре кампањата во Газа и да ги заштити цивилите во палестинската енклава, изјави денес италијанскиот премиер Џорџа Мелони.
„Израелскиот одговор доби неприфатливи форми и мора веднаш да запре, заштитувајќи го цивилното население“, рече Мелони, објави „Анса“.
Италијанската влада долго време изразуваше поддршка за Израел, но италијанскиот министер за надворешни работи Антонио Тајани минатата недела изјави дека продолжувањето на нападот на Израел врз Појасот Газа станало неприфатливо и мора веднаш да запре.
Мелони кон средината на мај изјави дека имала неколку разговори со израелскиот премиер Бенјамин Нетанјаху и го повикала да најде решение за хуманитарната криза во Појасот Газа, како и да ги прекине непријателствата во согласност со меѓународното право и меѓународното хуманитарно право.
ИЗДВОЕНИ
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
Охрид SOS: Огромен објект никнува во Охридската чаршија, овде секој прави што сака!
Раздавање за душите, жед за правда – Кочани ја одбележува најтажната задушница
Онкологија во сенка на скандалот – лекови стигнуваат, но довербата не се враќа
