Седум лица загинаа досега во ураганот Мелиса, кој е оценет како најсилниот тропски циклон на Земјата оваа година, објави ABC News.
Мелиса се приближува кон западниот брег на Јамајка. Три лица загинаа во Јамајка, три во Хаити и едно во Доминиканската Република, каде што уште едно лице е исчезнато.
Министерството за здравство на Јамајка соопшти дека се случиле некои несреќи за време на подготовките за бурата, вклучувајќи падови од покриви и електрични удари.
Јамајканскиот премиер Ендру Холмс ги предупреди жителите дека инфраструктурата на регионот не е изградена за да издржи бура од категорија 5.
Според официјалните податоци 15 лица се повредени, главно во сообраќајни несреќи и додека се обидувале да ги обезбедат своите домови. Националниот центар за урагани на САД издаде предупредување до жителите на Јамајка додека Мелиса се приближува кон островот.
„Се очекуваат катастрофални поплави и повеќекратни лизгања на земјиштето во текот на денот“, се вели во предупредувањето.
Исто така, беше објавено дека деструктивните ветрови би можеле да предизвикаат целосно уривање на зградите и големи штети на инфраструктурата, како и долгорочни прекини на електричната енергија.
Мелиса моментално е ураган од категорија 5 со постојани ветрови од 280 километри на час и централен притисок од 903 милибари, според извештајот на Националниот центар за урагани на САД.
ИЗДВОЕНИ
Одреден е притвор за двајца раководители од „Комунална хигиена“ поради сомненија за загрозување на животната средина
НИСКИОТ ОДЅИВ ВО ПРВИОТ ИЗБОРЕН КРУГ ДОНЕСЕ И ПРЕДУПРЕДУВАЊЕ: Жолт картон од гласачите за политичарите, што со цензусот?
Скопската депонија ги загади почвата, воздухот и водата, ќе одговара ли конечно некој?
Во недела нема каде да купиме бурек, а и гостите од Албанија, Косово, Србија… веќе не ни доаѓаат
