Меѓу навиките кои додаваат килограми е и недоволното јадење: Што правиме погрешно во секојдневието?

Една од клучните работи за здрав метаболизам е разбирањето што му користи, а што му штети. Истражувањето од 2022 година потврди дека многу секојдневни навики можат да го забават метаболизмот, што може да доведе до замор, вишок килограми, па дури и нарушено здравје.

Не јадете доволно храна

Во текот на денот треба да внесувате најмалку 1.400 калории. Ако телото не добива доволно енергија, тој преминува во режим на штедење и почнува да го зачувува она што го има.

Со цел да се одржи активен метаболизам, се препорачуваат неколку мали оброци распоредени во текот на денот.

Не спиете доволно

Кога сте лишени од сон, трошите помалку енергија и помалку се движите.

Калориите се трошат дури и додека спиете, па колку пократко спиете, толку помалку калории ќе согорите.

Погрижете се да спиете помеѓу 6 и 8 часа секој ден за да го одржите вашиот метаболизам нормално да функционира.

Прилагодете ја вашата исхрана на вашиот менструален циклус

Губењето на железо за време на менструацијата може да предизвика замор и да го забави метаболизмот.

Јадете повеќе храна богата со железо или, во консултација со вашиот лекар, земајте додатоци.

Пестициди во храната

Пестицидите присутни во секојдневната храна можат негативно да влијаат на метаболизмот.

Одредени студии укажуваат на врска помеѓу изложеноста на пестициди и метаболичките нарушувања.

Секогаш кога можете, изберете органска храна за да го намалите ризикот од дебелина или сериозни болести како дијабетес.

Погрешен избор на храна

Јаглехидратите од белиот леб и тестенините заменете ги со цели зрна, кои подобро го поддржуваат согорувањето на мастите.

Внимавајте и на внесот на протеини – јогуртот, јајцата и јаткастите плодови се одлични сојузници за забрзување на метаболизмот.

Недостаток на движење

Дури и кратките периоди на седење може да го забават вашиот метаболизам.

Ако сте принудени да седите долго време, станувајте на секои 30 минути и искористете ја паузата за малку да се движите наоколу.

Јадете во погрешно време

Обидете се да јадете приближно во исто време секој ден. Нередовните оброци можат да го збунат телото кога треба да согорува калории.

Метаболизмот е најактивен наутро, па затоа се препорачува тогаш да го консумирате најголемиот дел од дневните калории. Доцните вечерни оброци, без разлика колку ви се допаѓаат, треба да се избегнуваат.