Медведев објави видео од „Орешник“: „Европа сака војна. Еве што ќе добие“

Дмитриј Медведев, поранешен премиер и претседател на Русија и близок сојузник на сегашниот претседател Владимир Путин, остро ги нападна европските политичари во објава на „Икс“ за нивниот предлог за поголемо вклучување на Западот во Украина, инсинуирајќи дека тие всушност сакаат војна во Европа, а не во Русија, која ја започна пред речиси 4 години.

Во провокативен пост, Медведев рече дека „владејачките европски идиоти сепак одлучија дека сакаат војна во Европа“. „Па, само напред. Еве што ќе добиете“, напиша тој заедно со објавата на видео од „Орешник“, балистичка ракета со среден дострел способна за екстремно големи брзини и маневрирање во последната фаза од својот лет, пренесува „Хина“.

The ruling European dimwits want a war in Europe after all. It’s been said a thousand times: Russia won’t accept any European or NATO troops in Ukraine, but no, Micron keeps peddling this pathetic bullshit. Well, come on then. This is what you’ll get: pic.twitter.com/6XqMMn2ILP

— Dmitry Medvedev (@MedvedevRussiaE) January 10, 2026

Инаку, Русија вчера ја испали „Орешник“ кон Украина по втор пат. Целта беше западниот украински град Лвов, на само 60 километри од Полска, членка на НАТО.

Во објавата, Медведев конкретно го нападна францускиот претседател Емануел Макрон, кого потсмевливо го нарече „Микрон“, обвинувајќи го дека постојано ја турка Европа кон конфликт. Медведев напиша дека Русија „илјада пати кажала дека нема да прифати европски или НАТО сили во Украина“, но дека Макрон, како што тврди, „продолжува да го продава тоа кутро срање“.

За време на војната, Медведев претходно изрази слични тези за можно избувнување на директен конфликт меѓу Русија и НАТО ако Западот се вклучи во „воени операции“ или испрати воена поддршка на Украина, до опасната формулација на означување на таквите потези како војна против Москва.

Неговата изјава треба да се гледа во контекст на растечките тензии што ги придружуваа неодамнешните руски воени операции – вклучувајќи ги и ноќните напади врз Украина со користење на ракетата Орешник, за која Москва тврдеше дека била „одмазда“ за наводниот напад врз резиденцијата на претседателот Владимир Путин, иако тој напад всушност никогаш не се случил и е целосно негиран и од Киев и од западните земји, вклучувајќи ги и САД.