Во последните 24 часа, островот Крит се соочи со необичен природен феномен – густ облак од сахарска прашина што ја зафати областа околу Хераклион. Небото над градот доби портокалово-сива нијанса, а воздухот беше исполнет со ситни честички што пристигнаа од Северна Африка. Градскиот пејзаж изгледаше како да е покриен со слој песок, со возила, куќи, дворови, патишта, па дури и дрвја покриени со дебел слој африканска прашина. Иако ваквите метеоролошки феномени не се невообичаени во регионот, интензитетот на овој настан ги изненади и експертите и жителите.
Според локалните извори, ситуацијата немала никакви сериозни последици врз земјоделските култури. Но, жителите масовно ја користат водата за чистење на своите имоти и возила, дополнително оптоварувајќи ги веќе исцрпените резерви на вода во браната Апоселемис, еден од главните водни резерви на островот.
Интересен експеримент спроведе директорот на Грчкиот институт за спелеолошки истражувања, Калуст Парагамијан. Додека се обидувал да го исчисти просторот пред неговата работилница во Ираклион, тој ја измерил количината на прашина насобрана на површина од 12 квадратни метри. Врз основа на резултатите, тој процени дека само во недела, на 26 мај, на подрачјето на Хераклион паднале околу 21 килограм сахарска прашина по хектар.
Αεροδρόμιο Ηρακλείου πριν λίγο. Είναι το δρομολόγιο Μάλια – Ηράκλειο. Το λεωφορείο έγινε έτσι από λασποβροχη. Έχω ταραχτεί. pic.twitter.com/TvSzF3CpEk
— Less is More (@not_least) May 25, 2025
Ваквите екстремни настани нè потсетуваат на сè поизразените последици од климатските промени и влијанието на природните феномени што не познаваат граници. Додека жителите на Крит се обидуваат да ги исчистат своите домови, научниците предупредуваат на потребата од долгорочен мониторинг и прилагодување кон сè почестите појави на транспорт на прашина од Африка до европскиот континент.
Η μέρα σήμερα στο #ηρακλειο dune γίναμε και όταν έβρεξε…. έβρεξε λάσπη pic.twitter.com/qj7IEeZDPF
— imitr3los (@imitr3los) May 25, 2025
Здравствените служби ги предупредија граѓаните, особено оние со респираторни заболувања, да избегнуваат престој на отворено, а се препорачува одложување на физичките напори на свеж воздух. Експертите предупредуваат дека дури и концентрација од 50 микрограми суспендирани честички на кубен метар воздух може да предизвика здравствени проблеми – вклучувајќи кашлање, иритација на очите, отежнато дишење и општа слабост, особено кај астматичари и постари лица.
