Меџити по потпишувањето на договорот со Британија: Нова можност еднаш засекогаш да се реши проблемот со опасниот отпад

Првиот Вицепремиер Изет Меџити по потпишувањето на договорот со Британија истакна дека ова е историски ден за Македонија.

„Ова е историски ден за државата, потпишување на финансиски договор со Велика Британија, со што стратешки се решаваат и се инвестира во повише области како што е железничкиот сообраќај, образование, здравство, стратешки проекти. На ова додававме и проекти од екологија. Долго време со децении, се трудиме, се бориме да го решиме проблемот со опасниот отпад на неколку точки низ целата држава, посебно фабриките што се од бивша Југославија, отпадот е ризичен и за природата и за граѓаните. Ова е нова можност еднаш засекогаш да се реши тој проблем затоа што ке придонесеме за поздрав живот и за природата во нашата држава“, вели Меџити.