Првиот вицепремиер и министер за животна средина и просторно планирање, Изет Меџити, денес престојува во Одеса на покана на украинскиот претседател Володимир Зеленски, каде учествува на Самитот „Украина – Југоисточна Европа“.
Меџити порача дека присуството на овој важен меѓународен настан претставува потврда за непоколебливата поддршка што Северна Македонија ѝ ја дава на Украина во нејзината борба за слобода, демократија и зачувување на територијалниот интегритет.
„Во овие тешки времиња за европскиот мир и безбедност, цврсто стоиме покрај Украина. Северна Македонија стои на вистинската страна на историјата“, изјави Меџити.
Тој истакна дека Самитот претставува важна платформа за продлабочување на партнерствата меѓу земјите од Југоисточна Европа и Украина, особено во време кога регионот се соочува со бројни геополитички предизвици.
Настанот во Одеса се одржува под засилени безбедносни мерки и има за цел да испрати силна порака за солидарност и заедничка посветеност кон европските вредности и стабилноста на континентот.
ИЗДВОЕНИ
МНР апелира до македонските граѓани: Воздржете се од било какви патувања кон Израел и Иран
Граѓански здруженија реагираат: Новите услови за независните кандидати се акт на страв!
Европа ќе „врие“ на плус 40 степени! Доаѓа првиот топлотен бран годинава
Израел го нападна Иран, погодени нуклеарни објекти! Техеран возврати со повеќе од 100 дронови/ВИДЕО
