Масовно пукање во Австралија: Три лица се убиени, напаѓачот е во бегство

Три лица се убиени, а едно е рането во пукање што се случи во градот Лејк Карџелиго во австралиската сојузна држава Нов Јужен Велс, соопшти полицијата.

Станува збор за град со приближно 1.500 жители, јави Еј-Би-Си Њуз.

Според полициското соопштение, итните служби биле повикани на адреса во градот по дојава за пукање. На местото на настанот биле затекнати три мртви лица – две жени и еден маж.

🔴NEW — NSW Police: Two women and one man died at the scene following a shooting on Walker Street, Lake Cargelligo, around 4:40pm today. A fourth man was transported to hospital in serious but stable condition.

Police urge the public to avoid the area, Investigation ongoing. pic.twitter.com/bnKoZ9vQTQ

— BEE NewsTV (@BeeNewsTV) January 22, 2026

Уште еден маж е пренесен во болница во тешка, но стабилна состојба.

Напаѓачот и понатаму е во бегство, а полицијата на терен испрати вооружени специјалци. Полицијата ги повика граѓаните да ја избегнуваат таа област, а локалните жители да останат во своите домови.

Сиднеј Морнинг Хералд пишува дека се сомнева оти станува збор за напад поврзан со семејно насилство.

Друг медиум јавува дека напаѓачот избегал со возило кое е во сопственост на локалните власти.