Со приближувањето на 9 мај, кога на Црвениот плоштад ќе биде одбележана 80-годишнината од победата над нацизмот во Втората светска војна, одржувањето на парадата и безбедноста на учесниците се доведени во прашање.
Силите за воздушна одбрана синоќа уништија и пресретнаа 105 украински беспилотни летала над регионот на Русија, соопшти руското Министерство за одбрана.
Нападот со беспилотн летала беше конкретно насочен кон Москва, а како што се приближува 9 мај, кога на Црвениот плоштад ќе се одбележи 80-годишнината од победата над нацизмот во Втората светска војна, одржувањето на Парадата и безбедноста на учесниците се доведени во прашање.
Силите за воздушна одбрана на руското Министерство за одбрана соборија 19 беспилотни летала што летаа кон Москва од различни насоки, објави градоначалникот на Москва, Сергеј Собјанин.
„Силите за воздушна одбрана на Министерството за одбрана одбија напад од пет дронови што летаа кон Москва. Специјалисти од службите за итни случаи работат на местото на паднатите остатоци од дронот“, напиша тој на својот Телеграм канал, пренесува ТАСС.
Подоцна, градоначалникот на руската престолнина пријави уништување на уште 14 дронови. Едно од дроновите се урна на автопатот Каширскоје и, според прелиминарните податоци, немало сериозни штети или жртви.
Други руски региони, исто така, беа цел на општ напад со беспилотни летала.
„Во текот на изминатата ноќ од 21:00 до 4:00 часот наутро по московско време, дежурните системи за противвоздушна одбрана уништија и пресретнаа 105 украински беспилотни летала со фиксни крила: 32 над територијата на Брјанската област, 22 над територијата на Воронежската област, 19 над територијата на Московскиот регион“, се вели во соопштението на Министерството за одбрана, пренесе ТАСС.
Забележано е дека десет беспилотни летала се соборени над територијата на Пензенскиот регион, девет над територијата на Калушкиот регион и шест над територијата на Белгородскиот регион.
Исто така, силите за воздушна одбрана пресретнаа по две беспилотни летала над териториите на Липецката и Самарската област и по еден дрон над териториите на Владимирската, Курската и Ростовските области, соопшти руското Министерство за одбрана.
