Маск потврди тестирање на беспилотно робо-такси, акциите на „Тесла“ скокнаа

Компанијата се приближува кон поширокa примена, со планирано лансирање на сајбер такси следната година

Акциите на „Тесла“ пораснаа за речиси 5 проценти на највисоко ниво за речиси една година откако нејзиниот сопственик Илон Маск потврди дека американскиот производител на електрични возила тестира роботско такси без монитори за безбедност на луѓето во возилото.

Маск рече дека тестовите вклучувале автомобили што работат без патници, што е значаен чекор кон целосно автономно возење, објави „Ројтерс“.

Голем дел од проценката на „Тесла“ од 1,53 трилиони долари се темели на довербата на инвеститорите во нејзината технологија за самостојно возење и идниот бизнис со роботски такси, иако поголемиот дел од приходите на компанијата сè уште доаѓаат од продажба на електрични возила.