Илон Маск на својот профил на социјалната мрежа X сподели мапа што ја покажува состојбата на наталитетот во Европа, со порака: „Или Европа ќе почне да има големи семејства или ќе продолжи да изумира“.
Мапата објавена од Илон Маск ги прикажува европските земји со очекуван број на деца по семејство. Сè што е под едно дете се смета за „екстремно ниско“, до едно дете „ниско“, до 1,5 „недоволно“, до 1,9 „блиску до стапката на замена“, додека повеќе од 2,1 се смета за „над стапката на замена“, односно доволен за природна репродукција на населението.
Како што можете да видите на мапата, голем дел од Европа е обоен во црвена боја – што укажува на екстремно ниска стапка на наталитет. Украина се издвојува, каде што просечниот број на деца по жена е само 1,0.
Europe will cease to exist soon. We need to bring back having HUGE families. pic.twitter.com/86OeFNkFVA
— Giga Based Dad (@GigaBasedDad) July 14, 2025
Интересно е што земјите од Балканот, според оваа мапа, се над европскиот просек. Така, Србија има 1,61, Босна и Херцеговина 1,58, а Црна Гора дури 1,79 деца по жена.
Хрватска има стапка од 1,5, Македонија 1,48, просекот на Албанија е малку понизок – 1,38, што ја сместува во таканаречената црвена зона.
Молдавија (1,66) и Бугарија (1,72) исто така имаат релативно високи стапки, што ги става над „црвениот“ праг.
На дното на европската скала, освен Украина, се Шпанија (1,12), Литванија (1,13) и Естонија (1,17), што, според авторите на мапата, претставува алармантно ниско ниво на плодност, објави „Нови живот“.
Илон Маск, познат како рекордер по број на деца – тој веќе има 14 од нив и нема намера да престане, веќе предупреди за демографската криза, а сега повтори дека „без поголеми семејства, иднината на Европа може сериозно да се доведе во прашање“.
