Извршниот директор на SpaceX, Елон Маск, наводно донирал 15 милиони долари на републиканците, и покрај тоа што неодамна јавно ги критикуваше политиките на Трамп.
Маск ги направи овие донации во јуни, само еден месец откако изјави дека потрошил „доволно“ за политика. Потоа, истиот ден, тој даде дополнителни 10 милиони долари за поддршка на напорите на републиканците да ја задржат контролата врз Конгресот, пишува Политико.
Минатата година, Маск потроши 290 милиони долари за политички активности, главно насочени кон поддршка на Трамп и републиканските кандидати, особено оние кои се залагаат за намалување на владините трошоци и бирократијата. Сепак, во мај оваа година, тој посочи дека планира да се повлече од политичките донации бидејќи, како што рече, „моментално не гледа причина за понатамошен ангажман“.
