Младиот репрезентативец Марин Петков е оптимист пред двата натпревари на Македонија во февруарскиот ФИБА-прозорец и дуелите со Луксембург, односно Азербејџан.
- Нормално, очекуваме да победиме. Знаеме дека Луксембург е добра репрезентација, како нас, има две победи во првиот круг, така што победата е доста важна. Може да кажам дека би била и најважна на овие два меча што ни следуваат.
Вели дека полека се навикнуваат на барањата на новиот селектор, Жозеп Марија Берокал, и на неговите соработници.
- Интересно е на тренинзите. Тоа е прво. Системот е сличен, но и различен. Овие два-три дена поставивме некои планови за игра во одбраната и планови за игра во нападот. Мислам дека на секоја репрезентација би ѝ одговарал шпанскиот стил на игра. Се знае дека Шпанците се една од подобрите кошаркарски земји, заедно со САД и со Србија. Оттука сигурно е дека ќе изгледа добро стилот на игра, дека ќе изгледаме добро ние. И, секако, одиме на победа – верува Петков во успех на нашата селекција.
ФОТО: МКФ
ИЗДВОЕНИ
ЗНАМ: Дали од ДУИ стравуваат дека Груби ќе им ги открие шемите?
Газда Деко сака да биде префрлен во Идризово, во затворот во Куманово го понижувале
Во складиште на „Грин лајф“, една од шесте фирми на кои им е одземена лиценцата за производство, е запленет еден тон марихуана
ФИЛКОВ: Не може притворот да е правило за обични луѓе, но не и за Груби!
