На Парадата на победата што се одржа денеска на Црвениот плоштад во Москва, за гостите беа подготвени специјални подароци, вклучувајќи ја книгата „Василиј Теркин“ од поетот Александар Твардовски, капа и друштвената игра „Јуриш на Берлин“.
Воената парада, со која се одбележува Денот на победата – 80-годишнината од победата во Втората светска војна, се одржа под покровителство на рускиот претседател Владимир Путин, објави РИА Новости.
За сите гости на трибините беа подготвени комплет подарови, вклучувајќи капа, двоглед, мантил за дожд, значка и примерок од весникот „Вечернаја Москва“ од 9 мај 1945 година, со вест за капитулацијата на Германија. Секој гостин доби и ќебе, шише вода и чоколадо.
Големата парада на победата во Москва се одржа по повод 80-годишнината од победата над фашизмот во Втората светска војна.
