Макс Верстапен започнал тајни преговори со Мерцедес?!

Италијанските медиуми пласираа нова „бомба“ во Формула 1, откако најавија заминување на Макс Верстапен од Ред Бул. Оваа информација ја сподели „Скај Спортс“.

Верстапен има 27 години и е еден од најдобрите возачи во Формула 1. По речиси 10 години во Ред Бул, Холанѓанецот би можел да замине и да потпише за друг тим. Имено, фактот е дека Верстапен е силно поврзан со трансфер во Мерцедес, а Џорџ Расел потврди дека се воделе разговори.

• Нормално е да има разговори меѓу луѓето. Немам за што да се грижам. Има две места во секој тим од Формула 1, истакна Расел.

Тимскиот човек на Ред Бул, Кристијан Хорнер, исто така ги сподели своите мислења.

• Многу е бучава и мислам дека Макс едноставно ужива тука, а целата бучава околу заминувањето го вознемирува. Јасни сме во врска со договорот што го има Макс до 2028 година. Не обрнуваме многу внимание на други работи. Исто така, разбирам дека Џорџ е фрустриран затоа што сè уште не добил нов договор, но тоа е меѓу него и неговиот тим. Ситуацијата со Макс е многу јасна и ние знаеме каде сме, а и Макс знае, порача Хорнер.

Сепак, „Скај Спортс Ф1 Италија“ пласираше вистинска бомба.

• Големи вести од Формула 1. Мерцедес влезе во конкретни преговори со Макс Верстапен. Холанѓанецот сака промена следната сезона, се вели во нивното соопштение.

Веднаш следуваа реакции од навивачите.

• Ред Бул без Макс е само енергетски пијалак. Кристијан Хорнер не може да ја задржи својата работа ако Верстапен оди кај неговиот лут непријател, Тото Волф. Тото виде дека Ред Бул е во неволја и ја пронајде совршената можност да го земе Макс, беа само дел од критиките.