Францускиот претседател Емануел Макрон денес изјави дека се во тек подготовки за продолжување на дијалогот со рускиот претседател Владимир Путин, објавија француските медиуми.
Францускиот претседател во декември изјави дека „би било корисно повторно да се разговара“ со Путин.
„Се подготвува продолжување на дијалогот со Владимир Путин, но Москва не покажува никаква вистинска подготвеност за преговори за мир“, изјави Макрон за новинарите.
Тој оцени дека „неподносливото руско бомбардирање не покажа никаква вистинска подготвеност за преговори за мир“.
Без да прецизира кога би можел да се одржи состанокот, Макрон рече дека подготовките на техничко ниво се одвиваат „транспарентно и во консултација“ со украинскиот претседател Володимир Зеленски.
„Важно е Европејците да ги обноват своите канали за комуникација“, додаде Макрон, пренсе „Бета“.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
