Макрон: Нема да поднесам оставка

Францускиот претседател Емануел Макрон изјави дека нема намера да поднесе оставка пред гласањето за доверба на владата, закажано за 8 септември.

Причината за гласањето е незадоволството на населението од мерките за штедење предвидени во нацрт-буџетот за 2026 година, а премиерот Франсоа Бајру објави дека прашањето за доверба ќе се разгледа на вонредна седница на парламентот.

– Што се однесува до мене, јас верувам во демократијата. Демократијата се состои од луѓе кои гласаат за специфичен мандат. Мандатот што ми го довери францускиот народ и никој друг ќе биде исполнет до крај – нагласи Макрон на прес-конференција со германскиот канцелар Фридрих Мерц.

Мандатот на актуелниот француски претседател истекува во 2027 година.