Францускиот претседател Емануел Макрон во понеделник изјави дека Франција сега обезбедува две третини од своите разузнавачки информации за Украина, преземајќи улога што до минатата година во голема мера ја држеа САД, објави Ројтерс.
Макрон во новогодишниот говор до француската војска рече дека коалиција од околу 35 земји сега му дава целосна поддршка на Киев, вклучително и финансиска и воена, откако Вашингтон одлучи да ја суспендира директната помош и споделувањето разузнавачки информации во март 2025 година, објави Ројтерс.
Одлуката на САД беше дел од напорите да се изврши притисок врз украинскиот претседател Володимир Зеленски поради обидите на американскиот претседател Доналд Трамп да започне мировни преговори со Русија.
Макрон нагласи дека иако Украина претходно зависеше од можностите на САД, денес „две третини од нејзините разузнавачки информации ги обезбедува Франција“.
