Оркестарот на Македонската филхармонија, овој четврток, со почеток во 20 часот, премиерно ќе го изведе вокално-инструменталното дело „Вооружениот човек“ (миса за мир), од британскиот композитор Карл Џенкинс. Диригент е Сашо Татарчевски, настапува и хорот „Про Aрс“, а како солисти ќе ги чуеме Мартина Георгиевска, Ана Ценевска Мучева, Емили Христоска, Исабела Димовска, Дејан Симоски, Мартин Блажевски и Месут Куртис.
„Вооружениот човек: Миса за мир“ на Карл Џенкинс ја надминува традиционалната католичка миса, комбинирајќи духовност, историја и универзална порака за мир. Напишана по повод Милениумот и преселбата на Кралската оружарница од Лондон во Лидс, делото им е посветено на жртвите од косовскиот конфликт и симболично го третира „највоениот и најразорен век во човечката историја“.
Мисата е нарачана од Музејот на Кралската оружарница и претставува антивоена рефлексија која ја користи класичната католичка миса како рамка, но ја надополнува со текстови и со мотиви од различни култури, религии и историски извори.
Либретото вклучува традиционални латински текстови (Kyrie, Sanctus, Agnus Dei, Benedictus), муслимански повик на молитва (Adhan), библиски текстови (Псалмите и Откровението), Махабхарата, како и стихови од Радјард Киплинг, Алфред Лорд Тенисон и Санкичи Тоге. Секој елемент е внимателно избран за да ја илустрира универзалната димензија на страдањето, надежта и на човечката солидарност. Мисата го следи развојот на војната: од првата закана, преку ужасот и страдањето, до моменти на тишина, контемплација и крајната порака за мир.
ИЗДВОЕНИ
СЕ НАДМИНУВА ПРОБЛЕМОТ СО НЕЗАВЕДУВАЊЕТО НА НАСИЛНИЦИТЕ ВРЗ ДЕЦАТА: Регистарот „одмрзнат“, педофилите со име и презиме на список!
Посебна виза за професионалните возачи ќе ги тргне блокадите?
ЕУ за прв пат ќе разгледува посебна виза за возачите на камиони, што ќе им го олесни престојот во Шенген
Новак Ѓоковиќ брутално искрен: Тој требаше да игра во полуфиналето, јас веќе бев на пат за дома (ВИДЕО)
