Македонија преку Дарко Димитров учествува во Швајцарија, на Песна на Евровизија 2025

Се снајдовме!

Mатичната земја, Македонија, поради третото неучество, не може да им овозможи на композиторите, пејачите, текстописците, продуцентите, менаџерите и на новинарите да бидат дел од мегамузичкиот спектакл Песна на Евровизија 2025 (кој започнува вечерва, ќе има уште една (втора) вечер в четврток, а Големото финале е в сабота). За тоа, тие самите се погрижија и снајдоа, барем што се однесува на продуценско-композиторските имиња.

Дарко Димитров е мошне добро познат македонски композитор, музички продуцент, кој годинава е рамноправен учесник на Евровизија, заедно со евровизискиот тим на Црна Гора. Порано имаше работено и други евровизиски песни за претставниците на Србија и на Албанија.Сега се работи за црногорската песна „Добре дојдовте“, која ќе ја пее згодната Нина Жижиќ. Музиката ја напиша Борис Суботиќ, аранжманот е на Димитров, додека текстот е заедничко дело на Борис и на Македонката Виолета Михајловска.                              Останува на Црногорците да им посакаме успех со некој одличен пласман кога веќе не сме во можност да го направиме тоа за наши, македонски претставници. (Д. М.)