Македонецот ја одбрани титулата во УФЦ: На „Александар Велики“ му нема рамен

Македонскиот УФЦ-борач, Александар Волкановски, кој ги брани боите на Австралија, ја одбрани својата титула во лесна категорија со победата над Диего Лопес, на главниот настан на „УФЦ 325“.

Во возбудливиот реванш одржан во Сиднеј, Австралија, Волкановски победи по пет рунди. Ова беше втора средба меѓу двајцата борачи. Тие првпат се бореа минатиот април, на настанот „УФЦ 314“, кога Волкановски, познат како Александар Велики, победи со едногласна одлука и го освои шампионатот по втор пат. Борбата беше негова прва одбрана на титулата во неговиот втор мандат како шампион на дивизијата. Лопес ја доби можноста за реванш со техничката победа над Жан Силва, во септември.

По пет исцрпувачки рунди, судиите му ја доделија победата на Александар Волкановски со едногласна одлука. Двајца судии ја оценија борбата со 49:46, додека третиот ја оцени со убедливи 50:45 во корист на шампионот. Волкановски сега има 28 победи и четири порази во кариерата, со осум победи и три порази во борбите за титулата.

Во борбата за котитулата на вечерта, францускиот борач Беноа Сен Дени го победи Австралиецот Ден Хукер со технички нокаут во втората рунда. Бразилецот Маурисио Рафи го направи истото против Рафаел Физиев непосредно пред тоа.

Талисон Тешеира го победи Таи Туиваса со поделена одлука (28:29). Тоа беше шести последователен пораз на борачот од Сиднеј, што е рекорд во тешка категорија, а Тони Фергусон има најмногу последователни порази во сите категории (8).