Поранешниот играч на Филаделфија, Лони Вокер (26), потпиша тригодишен договор со Макаби Тел Авив, објави израелскиот клуб.
- Многу сме горди што го пречекуваме Лони Вокер во нашето семејство. Доведување талент од ваков калибар во Тел Авив, играч што беше драфтуван и тестиран во американската професионална кошаркарска лига (НБА). Тоа е силен и јасен сигнал за нашата амбиција да се натпреваруваме на највисоко ниво и да ги воодушевуваме нашите навивачи. Доаѓањето на Лони не е изолиран потег, туку совршено вклопување на уште едно вредно парче во мозаикот што го составуваме со нашите визија и стратегија – порача генералниот менаџер на Макаби, Клаудио Калдебела.
