Неколку полициски возила и екипа на обвинителството се уште вршат увид во зградата во скопски Карпош, во комплексот „Алумина“, каде жена и дете го загубија животот по пад од балкон.
Според првичните информации, околу 14 часот на булеварот „Митрополит Теодосиј Гологанов“, жената и детето паднале од балкон на шести кат од зградата. На местото веднаш пристигнала екипа на Итната медицинска помош, која констатирала смрт кај двете лица.
Засега идентитетот на починатите не е соопштен, а од надлежните институции најавуваат повеќе информации по завршувањето на истрагата.












