М-НАВ информира дека денеска успешно ги финализираше преостанатите градежни работи за целосно отстранување на останатите делови од старата радарска станица на Меѓународниот Аеродром Скопје.
Активностите, според нивните извештаи, се спроведени во услови на магла и намалена прегледност. Овој период бил оптимално искористен за комплетно и безбедно приведување кон крај на зафатите, без никакво влијание врз динамиката на воздушните операции.
Со оваа фаза се комплетира процесот на демонтажа на стариот и нефункционален радар, што претставува неопходен чекор за следните активности поврзани со поставувањето на нова, модерна радарска опрема.
М-НАВ продолжува со својата непоколеблива посветеност кон безбедноста и непреченото одвивање на воздушниот сообраќај, како и кон навремено и стручно извршување на сите планирани задачи.
